එන්නතෙහි ගුණාත්මකභාවය, ආරක්ෂාව සහ කාර්යක්ෂමතාව පිළිබඳ දත්ත EMA තරයේ තක්සේරු කර ඇති අතර වයස අවුරුදු 18 සහ ඊට වැඩි පුද්ගලයින් සඳහා කොන්දේසි සහිත අලෙවිකරණ අවසරයක් ලබා දීමට නිර්දේශ කර තිබෙනවා.
ආරක්ෂිත එන්නත් භාවිතය පිළිබඳ ලෝක සෞඛ්‍ය සංවිධානයට ස්වාධීන හා බලයලත් මග පෙන්වීමක් ලබා දෙන විශේෂ කණ්ඩායමක් වන එන්නත් ආරක්ෂාව පිළිබඳ ගෝලීය උපදේශක කමිටුව, ජාත්‍යන්තර බලපෑම් ඇතිවිය හැකි බවට සැක කෙරෙන ආරක්ෂිත සිදුවීම් පිළිබඳ වාර්තා ලබාගෙන තක්සේරු කර තිබෙනවා.
එන්නත ලබා ගත හැකි කාණ්ඩයන්
තරබාරුකම, හෘද වාහිනී රෝග, ශ්වසන රෝග සහ දියවැඩියාව ඇතුළු දරුණු COVID-19 අවදානම වැඩි කරන බවට හඳුනාගෙන ඇති රෝග කීපයක් සහිත පුද්ගලයින් සඳහා එන්නත් කිරීම නිර්දේශ කෙරේ.
එච්.අයි.වී. ආසාදනයෙන් පෙළෙන හෝ ස්වයංක්‍රීයව ප්‍රතිශක්තිකරණ තත්වයෙන් පෙළෙන හෝ ප්‍රතිශක්තිකරණයට ලක් නොවූ පුද්ගලයින් සඳහා වැඩිදුර අධ්‍යයනයන් පසු එන්නත් කිරීම සඳහා උපදේශනය ලැබීමෙන් පසු එන්නත ලබා දීමට නිර්දේශ කර ඇත. කලින් COVID-19 වැළඳී ඇති පුද්ගලයින්ට ද එන්නත ලබා දෙනවා. නමුත් යම් පුදගලයෙකුට SARS-CoV-2 ආසාදනය වී මාස හයකට පසුවයි කොවිඩ් එන්නත සඳහා යොමු කරන්නෙ.
pc: bbc.com
එන්නත ලබා දීමට ප්‍රමුඛතාවය දී ඇති කාණ්ඩය අතර මව්කිරි දෙන කාන්තාවන් සිටී නම් ඔවුන්ට එන්නත ලබා දිය හැකි නමුත් එන්නත ලබා ලබාගැනීමෙන් අනතුරුව යම් හෝරා කීපයක් යනතුරු මව්කිරි දීම ලෝක සෞඛ්‍ය සංවිධානය නිර්දේශ නොකරයි. ඒ සඳහා අවශ්‍ය වෛද්‍ය උපදෙස් ලබා ගැනීම අනිවාර්යයෙන්ම කළ යුතුය.
එන්නත සඳහා දැනට නිර්දේශිත නොවූවන්
එන්නතෙහි ඕනෑම සංඝටකයකට දැඩි අසාත්මිකතා ප්‍රතික්‍රියාවක් ඇති පුද්ගලයින් එය නොගත යුතුය. වැඩිදුර අධ්‍යයනවල ප්‍රතිඵල එනතුරු වයස අවුරුදු 18 ට අඩු පුද්ගලයින් සඳහා එන්නත නිර්දේශ නොකරයි.
නිර්දේශිත මාත්‍රාව කුමක්ද?
නිර්දේශිත මාත්‍රාව සති 8 සිට 12 දක්වා කාල පරතරයක් සහිත අභ්‍යන්තර මාංශ පේශි (මිලි ලීටර් 0.5 බැගින්) ලබා දෙන මාත්‍රාවන් දෙකකි.
එන්නත කෙතරම් කාර්යක්ෂමද?
COVID-19 ට එරෙහි AZD1222 එන්නතෙහි SARS-CoV-2 ආසාදනයට එරෙහිව 63.09% ක කාර්යක්ෂමතාවයක් ඇත.
එය නව ප්‍රභේදයන්ට එරෙහිව ක්‍රියා කරයිද?
සැලකිලිමත් වන ප්‍රභේද සැකසීමේදී එන්නතෙහි ක්‍රියාකාරිත්වය පිළිබඳ ලබා ගත හැකි සියලු දත්ත SAGE සමාලෝචනය කර ඇත. රටක වෛරස් ප්‍රභේද තිබුණත් ලෝක සෞඛ්‍ය සංවිධානයේ ප්‍රමුඛතා මාර්ග සිතියමට අනුව AZD1222 එන්නත භාවිතා කිරීම SAGE දැනට නිර්දේශ කරයි. වසංගත රෝග තත්ත්වය සැලකිල්ලට ගනිමින් රටවල් අවදානම් සහ ප්‍රතිලාභ තක්සේරු කළ යුතුය.
මූලික සොයාගැනීම් මගින් ප්‍රභේදයන් අධීක්ෂණය හා ඇගයීම සඳහා සම්බන්ධීකරණ ප්‍රවේශයක හදිසි අවශ්‍යතාවය සහ එන්නත් වල .ලදායීතාවයට ඒවායින් ඇති විය හැකි බලපෑම ඉස්මතු කරයි. නව දත්ත ලබා ගත හැකි වන විට, ලෝක සෞඛ්‍ය සංවිධානය ඒ අනුව නිර්දේශ යාවත්කාලීන කරනු ඇත.
සැකසුම: රදීප හියදලගෙදර
තොරතුරු: ලෝක සෞඛ්‍ය සංවිධානය
Comments